Home Key Villa with Rooftop Pool and Gym

唔係用(好差)黎形容,係應該要用(似比人當水魚咁㩒,被騙的感覺)黎形容,以下內容會好長,但我真心想大家了解一下發生緊乜事 我同朋友設定的行程係4月4日早機去河內-4月9日早機返香港(因為機票價錢,航班時間,河內去機場坐車時間等等令我揀左早機回港), 3日2夜下龍灣+河内3日3夜 我同朋友4月6日11:00酒店退房,12:00去到碼頭join團上船出海觀光(詳情可以睇我另一個post),19:00再返到酒店攞行理上車去河內(下龍酒店幫我地安排的穿梭巴士) 21:30左右成功到達trip.com入面所表示的位置,不過我用左10分鐘先搵到佢個門口(因為佢地門口係一間零售店,同apps入面的相完全無相同之處,因為我係無意中見到入面有Lift門,我先走入去問),跟住仲搞笑嘅係,入面ga 職員(A小姐)係知道我地有5個人,影左我地D passport 先同我講話留左2 間房比我地,我就同A小姐講,我係比左錢book 5 間房,A小姐就叫我show"入住憑證"佢睇,之後又話個地址唔係呢間,係另一間,因為佢地同名酒店有兩間,就叫我出門口轉右去到下一個路口轉左直行就見到,行左3,4個街口都見唔到,發覺唔對路,就一邊係trip.com個apps 求救+一邊行返原先間鋪度問A小姐幫手打電話(打左幾次都唔通),到最後係用email 同果個"酒店負責人"攞到個地址,對話內容可以睇附圖,但唔好笑我d 英文. Copy 佢個地址去apps call 車，由出發到比司機叫落車果刻,我完全係見唔到與相片有少少相同的建築物,咁見地圖係岩,咁我又再email酒店負責人話搵唔到,跟住佢就話會出黎接我地5個. 其實個定位無錯,地址都岩,因為酒店就係我身後面呢一間裝修緊嘅鋪入面,就係我地未來三晚要訓的地方,咁都無得理啦入去上房先,原來唔單單係我地5個人灰(因為落住毛毛雨+搵黎搵去),連5間房入面都有灰未清得乾淨(裝修果D灰),但無計,人在異地,身心又攰,為有頂硬上,放低好行理,就去附近OK買野飲零食+睇下有無鋪頭仲開門有野食,跟住google map 由呢間酒店開始向住三十六古街方向步行到環劍湖果個地標迴旋處,全程大約30 分鐘左右,全程基本無店鋪仲有燈火,要真係再行上去多少少先見到有野食,我地好快咁 食完野就返酒店休息(大約03:00上床訓),唔好以為咁就有覺好訓,第二朝08點左右,我地5個人就比落下D 裝修聲嘈醒左,行去附近餐廳食野兼開會(係行出酒店的1.必經道路上係有工人工作燒焊),大家一致都決定要更換酒店. 原因? 1.唔係我地原本預定的酒店位置 2.房間內含有毒物質同氣味 (裝修果D灰) 3.早上會有工人嘈住你訓 之後一邊係搵trip.com cs要求更改訂單＞提早退房及第二三日的退款,再一邊搵其他仲有間空房的酒店. 當我地一行5人拖住行理+還了門匙,再行出酒門店門口時,見到大約10 位台灣旅客, 經過一番了解之後得知佢地都同我地個case都係類近, 經其他中介apps訂左房,去到酒店發覺唔岩,就比人掟左過黎呢邊. 我打左咁大編野出黎,係想叫各位去河內玩的朋友小心,唔好因為見佢個地理位置理想就咁入去book,佢地成件事好似有預謀有目的,唔好因為一時唔小心踩入呢個陷阱,跌錢事少,快樂時光事大 (我比佢咁搞一搞,我都無左一個去玩的晚上,講真我唔會係第一個受害者,都唔會係最後一個,亦唔係最慘果個) 有個好值得一讚的地方,係呢件事上trip.com的客戶服務果邊回覆得好快,亦感覺到佢地好努力咁幫我跟進緊,雖然未解決到(要酒店退回第二第三天的金額),但相信只係時間的問題.亦希望台灣果10位團友好運